Pranali Kodre
भारतभरात 24 ऑक्टोबर रोजी दसरा आणि विजयादशमी मोठ्या उत्साहात साजरा झाला.
यादिवशी मोठ्यांचे आशिर्वाद घेतले जाते, तसेच सरस्वती पूजन केले जाते.
भारताचा महान क्रिकेटपटू आणि भारतरत्न सचिन तेंडुलकरने दसरा उत्साहात साजरा केला आहे.
सचिन तेंडुलकरने सर्वांना दसऱ्याच्या शुभेच्छा दिल्या आहेत. तसेच त्याने दसरा कसा साजरा केला, याचे काही फोटोही शेअर केले आहेत.
सचिनने शेअर केलेल्या फोटोंमध्ये तो त्याच्या आईचे आशिर्वाद घेताना दिसत आहे.
बॅटसमोर नतमस्तक
तसेच सचिन त्याचे मैदानातील शस्त्र म्हणजेच बॅटसमोरही नतमस्तक झाल्याचे दिसत आहे.
सचिनने त्याच्या पोस्टमध्ये म्हटले आहे की 'विजयादशी साजरा करणाऱ्या सर्वांना दसऱ्याच्या शुभेच्छा. ज्याप्रमाणे चेंडू सीमारेषेबाहेर जातो, त्याचप्रमाणे वाईटावर चांगल्याचा विजय होवो आणि तुमच्या जीवनातील सर्व अडथळे दूर होवो. योग्य कारणासाठी फलंदाजी करत रहा.'
सचिनच्या या पोस्टवर त्याला अनेक प्रतिक्रिया आल्या आहेत.