Pranali Kodre
8 ऑगस्ट 1981 रोजी जन्मलेला रॉजर फेडरर दिग्गज टेनिसपटूंपैकी एक आहे. त्याने गेल्यावर्षी 24 वर्षांच्या कारकिर्दीनंतर निवृत्ती घेतली.
फेडरर सोशल मीडियावरही चांगला सक्रिय असतो, नुकताच त्याने ट्विटरवर चाहत्यांसह प्रश्न-उत्तराचे सत्र घेतले होते.
यावेळी एका युजरने फेडररला असा एक किस्सा सांगण्यास सांगितले, ज्यावेळी एखाद्या व्यक्तीने त्याला ओळखले नव्हते.
या युजरच्या प्रश्नाचे उत्तर देताना फेडररने एक मजेदार किस्सा सांगितला आहे.
फेडररने सांगितले की एकदा फॉर्म्युला वन स्पर्धेवेळी एक व्यक्ती त्याच्याकडे येऊन त्याला म्हणालेला 'मिस्टर नदाल मला एक फोटो मिळेल का?' त्यावेळी फेडररने त्याला तो नदाल नसल्याचे सांगितले होते. त्यानंतर तो व्यक्ती फेडररची माफी मागून फोटो न घेताच निघून गेला होता.
फेडरर आणि नदाल यांनी जवळपास गेली दोन दशके टेनिसविश्व गाजवले आहे. तसेच त्यांनी अनेक सामने एकमेकांविरुद्ध खेळले आहेत.
कोर्टमध्ये एकमेकांचे कट्टर प्रतिस्पर्धी असले, तरी कोर्टबाहेर फेडरर आणि नदाल यांच्यात चांगली मैत्रीही आहे.
फेडररने त्याच्या कारकिर्दीत एकेरीची 20 ग्रँडस्लम विजेतीपदे जिंकली आहेत.