गोमंतक ऑनलाईन टीम
बॉलीवूड दिग्दर्शक संजय लीला भन्साळी हे बैजू बावरा चित्रपट बनवत आहेत. गेल्या काही दिवसांपासून त्यांचा हीरोईनसाठी शोध सुरू होता.
पण आता या चित्रपटात रिया चक्रवर्ती (Rhea Chakraborty) काम करणार असल्याची चर्चा सुरू झाली आहे. रिया ही अभिनेता सुशांत सिंग रजपूत याच्या आत्महत्येनंतर चर्चेत आली होती.
नुकतेच रियाने बैजू बावरातील मुख्य भूमिकेसाठी ऑडिशन दिली आहे.
जर भन्साळींना रियाची ऑडिशन आवडली तर बैजू बावरातील कलावती रिया होऊ शकते.
या चित्रपटात बैजूच्या भूमिकेत रणवीर सिंग असणार आहे. हा रणवीरचा भन्साळींसोबत चौथा चित्रपट असेल. रणवीर आणि रिया ही जोडी बनेल अशी शक्यता कमीच वाटते.
रणवीर आणि आलियाची जोडी गाजत असल्याने या चित्रपटातही फीमेल लीडसाठी आलियाच्या नावाची चर्चा सुरू आहे. त्यामुळे रियासमोर आलियाचे मोठे आव्हान असणार आहे.
एक्स बॉयफ्रेंड अभिनेता सुशांत सिंग रजपूतच्या निधनानंतर रियाने केवळ एका चित्रपटात काम केले आहे. एमटीव्ही रोडीज : कर्म या कांड या शोमध्ये ती यावर्षी दिसली होती.