Pranali Kodre
भारत विरुद्ध ऑस्ट्रेलिया संघात मोहालीला 3 सामन्यांच्या वनडे मालिकेतील पहिला सामना 22 सप्टेंबर रोजी झाला.
या सामन्यासाठी अनुभवी ऑफ स्पिनर आर अश्विनला भारताच्या प्लेइंग इलेव्हनमध्ये संधी देण्यात आली होती.
त्यामुळे हे अश्विनचे वनडे क्रिकेटमध्ये पुनरागमन देखील ठरले.
अश्विनने तब्बल 20 महिने आणि 2 दिवसांनी म्हणजेच 610 दिवसांनी भारताच्या वनडे संघात पुनरागमन केले आहे.
अश्विन यापूर्वी भारताकडून अखेरचा वनडे सामना 21 जानेवार 2022 रोजी दक्षिण आफ्रिकेविरुद्ध पार्लमध्ये खेळला होता.
अश्विनने पुनरागमनाच्या सामन्यात ऑस्ट्रेलियाच्या मार्नस लॅब्युशेनला बाद करत महत्वाची विकेट घेतली.
त्याने ऑस्ट्रेलियाविरुद्ध मोहालीला झालेल्या सामन्यात 10 षटकात 47 धावा देत 1 विकेट घेतली.
अश्विनने त्याच्या वनडे कारकिर्दीत 114 सामन्यांत 152 विकेट्स घेतल्या आहेत.