Manish Jadhav
2019 मध्ये भारतात लाँच झाल्यापासून किआ सेल्टोस खूप लोकप्रिय आहे. आता कंपनी या एसयूव्हीची नवीन जनरेशन लवकरच बाजारात आणणार आहे.
नवीन सेल्टोस सध्याच्या मॉडेलपेक्षा जवळपास 100 मिमी जास्त लांब असेल. यामुळे केबिन आणि बूट स्पेस वाढेल. समोर मोठी ग्रिल आणि आकर्षक हेडलॅम्प्स असतील.
नव्या सेल्टोसमध्ये जास्त डिजिटल सेटअप असेल. यात ड्रायव्हर डिस्प्ले, इन्फोटेनमेंट आणि पॅसेंजरसाठी असे तीन मोठे स्क्रीन्स असतील.
नव्या सेल्टोसमध्ये व्हेंटिलेटेड सीट्स, अॅम्बियंट लायटिंग आणि वायरलेस चार्जिंगसारखे फीचर्स कायम राहतील. याशिवाय, ADAS (Advanced Driver-Assistance Systems) तंत्रज्ञानही यात मिळू शकते.
या शानदार कारमध्ये 12.3 इंचाची इन्फोटेनमेंट स्क्रीन, 12.3 इंचाचा डिजिटल इन्स्ट्रुमेंट क्लस्टर आणि 5 इंचाची क्लाइमेट कंट्रोल स्क्रीन असेल.
किआ जुने पेट्रोल आणि डिझेल इंजिन कायम ठेवणार आहे. मात्र, नव्या मॉडेलमध्ये हायब्रिड इंजिनचा नवीन पर्याय मिळण्याची दाट शक्यता आहे.
नवीन जनरेशनच्या किआ सेल्टोसचे जागतिक लॉन्च 2025 मध्ये होण्याची शक्यता आहे. त्यानंतर, ही कार 2026 मध्ये भारतात लॉन्च होईल.
भारतीय बाजारात किआसाठी सेल्टोस हे महत्त्वाचे मॉडेल आहे. ग्राहकांना आकर्षित करण्यासाठी आणि स्पर्धेत टिकून राहण्यासाठी कंपनीसाठी हे अपडेट खूप गरजेचे आहे.