Pranali Kodre
जपानची टेनिस स्टार नाओमी ओसाका हिने बुधवारी सोशल मीडियावर एक पोस्ट टाकत सर्वांना चकीत केले.
तिने ती लवकरच आई होणार असल्याचे या पोस्टमधून सांगितले.
याच कारणामुळे 25 वर्षीय ओसाका 2023 वर्षात टेनिस कोर्टवर दिसणार नाही.
ओसाकाने गुडन्यूज देताना तिच्या सोनोग्राफीचा फोटो देखील शेअर केला आहे.
तिने तिच्या पोस्टला 'कोर्टवर परत येण्यासाठी उत्सुक आहे, पण 2023 साठी एक छोटी अपडेट आहे,' असे कॅप्शन दिले आहे.
ओसाकाने रविवारी ऑस्ट्रेलियन ओपन 2023 स्पर्धेतून माघार घेतली होती, पण तिने कारण सांगितले नव्हते.
मात्र, तिने बुधवारी पोस्टमधून दिलेल्या गुडन्यूजने तिच्या माघार घेण्याचे कारण स्पष्ट झाले आहे.
दरम्यान, ओसाकाने तिच्या पोस्टमधून हे देखील स्पष्ट केले की ती जानेवारी 2024 रोजी होणाऱ्या ऑस्ट्रेलियन ओपन स्पर्धेत खेळणार आहे.
ओसाकाने आत्तापर्यंत दोन ऑस्ट्रेलियन ओपन आणि दोन अमेरिकन ओपन असे एकूण चार ग्रँडस्लॅम विजेतीपदे मिळवली आहेत.