Pranali Kodre
वूमन्स प्रीमियर लीग 2023 हंगामाला 4 मार्च रोजी मुंबई इंडियन्स विरुद्ध गुजरात जायंट्स सामन्याने सुरुवात झाली.
मुंबईने 143 धावांनी जिंकलेल्या या सामन्यादरम्यान एक खेळाडू चांगलीच चर्चेत आली. ही खेळाडू म्हणजे एमिलिया केर.
ती या सामन्यानंतर अनेक क्रिकेट चाहत्यांनी क्रश बनली आहे.
तिच्या सौंदर्याचे अनेक क्रिकेट चाहत्यांकडून कौतुक होत असून तिचे सामन्यादरम्यानचे अनेक फोटो व्हायरलही झाले आहेत.
22 वर्षीय एमिलिया न्यूझीलंडकडून आंतरराष्ट्रीय क्रिकेट खेळते.
ती अष्टपैलू क्रिकेटपटू असून तिने वयाच्या 16 वर्षी आंतरराष्ट्रीय पदार्पण केले होते.
तिला डब्ल्यूपीएलसाठी मुंबई इंडियन्सने 1 कोटी रुपयांना खरेदी केले आहे.
तिने पहिल्याच डब्ल्यूपीएल सामन्यात अष्टपैलू खेळानेही सर्वांचे लक्ष वेधले.
तिने गुजरातविरुद्ध 24 चेंडूत 45 धावांची खेळी करताना कर्णधार हरमनप्रीत कौरबरोबर 89 धावांची भागीदारी साकारली.
तसेच तिने गोलंदाजी करताना 2 षटकातील एक षटक निर्धाव टाकताना दोन विकेट्सही घेतल्या.