Sameer Amunekar
पावसाळ्यातील आर्द्रता, धूळ, घाम आणि अतिरिक्त तेलामुळे त्वचेची नैसर्गिक चमक कमी होते. त्यामुळे त्वचा निस्तेज आणि थकलेली दिसू शकते.
गुलाबपाणी, काकडीचा रस आणि अॅलोवेरा जेल यांचा नैसर्गिक टोनर त्वचेला ताजेतवाने ठेवण्यास आणि हायड्रेटेड राहण्यास मदत करू शकतो.
अर्धा कप गुलाबपाण्यात 2 चमचे काकडीचा रस आणि 1 चमचा अॅलोवेरा जेल मिसळा. हे मिश्रण स्प्रे बाटलीत भरून फ्रीजमध्ये ठेवा.
चेहरा स्वच्छ धुतल्यानंतर टोनर स्प्रे करा किंवा कापसाच्या सहाय्याने हलक्या हाताने लावा. सकाळी आणि रात्री वापरल्यास अधिक चांगला परिणाम मिळू शकतो.
हा टोनर त्वचेला हायड्रेट ठेवण्यास, अतिरिक्त तेल नियंत्रित करण्यास, त्वचेला थंडावा देण्यास आणि ताजेतवाने लूक मिळवून देण्यास मदत करू शकतो.
संवेदनशील त्वचा असल्यास कोणतेही घरगुती मिश्रण वापरण्यापूर्वी हाताच्या आतील भागावर पॅच टेस्ट करा. त्रास झाल्यास वापर थांबवा.
दररोज पुरेसे पाणी प्या, संतुलित आहार घ्या, पुरेशी झोप घ्या आणि सनस्क्रीनचा वापर सुरू ठेवा. नियमित स्किनकेअरमुळे त्वचेचा नैसर्गिक ग्लो टिकून राहण्यास मदत होते.