Pranali Kodre
ऑस्ट्रेलिया पुरुष संघाचा वेगवान गोलंदाज मिचेल स्टार्क ऍशेस 2023 स्पर्धेत त्याची पत्नी आणि ऑस्ट्रेलिया महिला संघाची स्टार विकेटकिपर एलिसा हेलीची बॅट वापरत आहे.
स्टार्कने भारताविरुद्ध जून 2023 मध्ये भारताविरुद्ध झालेल्या कसोटी चॅम्पियनशीपच्या फायनलमध्ये देखील हेलीचीच बॅट वापरली होती. यामागील कारणही स्टार्कने स्पष्ट केले आहे.
स्टार्कने perthnow.com ला सांगितले की 'मागील गरमीत दक्षिण आफ्रिकेच्या एन्रिच नॉर्कियाच्या वेगवान गोलंदाजीचा सामना करताना मी हलक्या बॅटचा वापर केला होता.त्यावेळी एलिसाला कळालेही नाही की तिची बॅट गायब झाली.'
स्टार्कने सांगितले, एलिसा एका दौऱ्यावर असताना तो घरी क्रिकेट किट साफ करत होता, तेव्हा त्याने एलिसाला विचारले की तिला माहित आहे का की तिच्या बॅगमध्ये तीन बॅट आहेत. पण तिला माहित नव्हते. त्यावेळी तो तिला म्हणाला, आता त्या बॅगमध्ये दोनच बॅट आहेत आणि एक माझ्या बॅगमध्ये आहे.
स्टार्कने असेही सांगितले की काही वर्षांपूर्वी तिनेही माझी बॅट घेतली होती. स्टार्क आणि एलिसा हे दोघेही एकाच कंपनीच्या बॅट वापरतात.
खरंतर स्टार्क आणि एलिसा हे नेहमीच चर्चेत राहणारं क्रिकेटर जोडपं आहे.
स्टार्क आणि एलिसा हे एकमेकांना वयाच्या 9 व्या वर्षापासून ओळखतात. त्यांच्यात लहानपणापासून चांगली मैत्री असून पुढे त्याचे प्रेमात रुपांतर झाले.
स्टार्क आणि हिली यांनी 2016 मध्ये लग्न केले. ते नेहमीच एकमेकांना प्रोत्साहन देताना दिसतात.