Akshata Chhatre
आपण केस धुतल्यानंतर स्वच्छ आणि मऊ वाटणाऱ्या ओल्या केसांकडे अनेकदा हलकं घेतो, पण खऱ्या अर्थाने तेच केस सगळ्यात नाजूक आणि तुटण्याच्या टोकावर असतात.
अंघोळीनंतर लगेच जोरात कंगवा मारणं, टॉवेलने केसांना जोरात घासणं किंवा घट्ट वेणी बांधणं या सवयी आपल्या नकळत केसांचं आरोग्य बिघडवतात.
अंघोळीपूर्वीच केस हलकं तेल किंवा सीरम लावून नीट विंचरणं महत्त्वाचं आहे, जेणेकरून धुतल्यावर ते जास्त गुंतणार नाहीत आणि तुटणार नाहीत.
ओले केस घट्ट बांधण्याऐवजी सॉफ्ट क्लॉथ क्लिप्स किंवा लूज ब्रेड्सचा वापर करावा, यामुळे केसांवरचा ताण कमी होतो.
केस सुकवताना थेट हाय हीटवर ड्रायर न वापरता मायक्रोफायबर टॉवेलने हलकं पुसून मग मध्यम तापमानावर ड्रायर वापरावा. हीट प्रोटेक्शन स्प्रे वापरणंही चांगलं.
रात्री ओल्या केसांनी झोपणं टाळावं, कारण त्यामुळे स्कॅल्पवर बॅक्टेरिया किंवा फंगल इन्फेक्शन होऊ शकतो, केस गळतात आणि सकाळी केस चिकटलेले राहतात.