Akshata Chhatre
५० वर्षांचा टप्पा पार केल्यानंतर पुरुषांच्या शरीरात शारीरिक आणि मानसिक पातळीवर अनेक बदल होऊ लागतात.
मेटाबॉलिझम मंदावतो, हाडे कमजोर होतात, हार्मोन्समध्ये बदल होतो आणि आजार होण्याचा धोका वाढतो.
दरवर्षी ब्लड शुगर तपासणी करून घेतल्यास टाइप-२ डायबिटीजचे लवकर निदान होऊ शकते.
वारंवार लघवी होणे, अचानक वजन घटणे किंवा थकवा येणे यासारखी लक्षणे दिसल्यास त्वरित तपासणी आवश्यक असते.
प्रोस्टेटशी संबंधित त्रास पन्नाशीनंतर जास्त प्रमाणात आढळतो. 'पीएसए' नावाची रक्त तपासणी प्रोस्टेट कॅन्सरची सुरुवातीची लक्षणे ओळखण्यास मदत करते.
हृदयाच्या आजारांसाठी 'लिपिड प्रोफाइल' तपासणी आवश्यक असून चांगले आणि वाईट कोलेस्टेरॉलचे प्रमाण यातून समजते.
हाडांच्या ठिसूळपणामुळे होणारा ऑस्टियोपोरोसिस ओळखण्यासाठी 'बोन डेंसिटी' तपासणी उपयुक्त ठरते.