IPL इतिहासात सर्वात कमी स्कोअर करणारे संघ

आयपीएल 2023 स्पर्धेत 14 मे रोजी राजस्थान रॉयल्स विरुद्ध रॉयल चॅलेंजर्स बेंगलोर संघात सामना झाला.

सवाई मानसिंग स्टेडियमवर झालेल्या या सामन्यात रॉयल चॅलेंजर्स बेंगलोरने राजस्थान रॉयल्सला 112 धावांनी पराभूत केले.

या सामन्यात बेंगलोरने दिलेल्या 172 धावांच्या आव्हानाचा पाठलाग करताना राजस्थानचा संघ 10.3 षटकातच 59 धावांवर सर्वबाद झाला.

त्यामुळे ही आयपीएलच्या इतिहासातील तिसऱ्या क्रमांकाची निचांकी धावसंख्या नोंदवली गेली.

यापूर्वी आयपीएल इतिहासात सर्वात निचांकी धावसंख्या रॉयल चॅलेंजर्स बेंगलोरच्या नावाववर आहे. बेंगलोरचा संघ 2017 मध्ये कोलकाता नाईट रायडर्स विरुद्ध कोलकातामध्ये खेळताना 49 धावांवर सर्वबाद झाला होता.

दुसऱ्या क्रमांकावरही राजस्थान रॉयल्सच असून 2009 साली केपटाऊनला झालेल्या रॉयल चॅलेंजर्स बेंगलोरविरुद्धच्या सामन्यातच 58 धावांवर सर्वबाद झाला होता.

तसेच चौथ्या क्रमांकावर दिल्ली कॅपिटल्स असून ते मुंबई इंडियन्सविरुद्ध 2017 आयपीएलमध्ये केवळ 66 धावांवर सर्वबाद झाले होते.