Pranali Kodre
पाकिस्तान तेहरीक-ए-इन्साफचे अध्यक्ष आणि माजी पंतप्रधान इम्रान खान यांना रेंजर्सच्या मदतीने एनएबी म्हणजेच नॅशनल अकाउंटेबिलिटी ब्युरोने ताब्यात घेतले आहे. त्यामुळे ते सध्या चर्चेत आहेत.
इम्रान खान हे पाकिस्तानचे माजी क्रिकेटपटू आणि विश्वविजेते कर्णधार आहेत.
इम्रान मैदानातील कामगिरी आणि राजकिय कारकिर्दीव्यतिरिक्त त्यांच्या लव्हलाईफमुळेही मोठ्या प्रमाणात चर्चेत राहिले आहेत. त्यांचे काही बॉलिवूड अभिनेत्रींशीही अफेअर होते, असे अनेक रिपोर्ट्स सांगतात.
इम्रान यांचे मून मून सेन, शबाना आझमी यांच्याबरोबरही पूर्वी नाव जोडले गेले होते.
काही रिपोर्ट्सनुसार इम्रान आणि रेखा यांनाही अनेकदा एकत्र पाहिले गेले आहे. त्यामुळे त्यांच्याही अफेअरच्या चर्चा झाल्या होत्या.
ऐंशीच्या दशकात इम्रान आणि बॉलिवूड अभिनेत्री झीनत अमान यांच्यातील अफेअरच्या चर्चांना उधाण आले होते. अनेक रिपोर्ट्सनुसार इम्रान यांनी २७ वा वाढदिवस झीनतबरोबर साजरा केला होता.
इम्रान यांचे पाकिस्तानच्या माजी प्रधानमंत्री बेनजीर भुट्टो यांच्याबरोबरही अफेअर असल्याचे म्हटले गेले. हे दोघेही ऑक्सफोर्डमध्ये शिक्षण घेत असताना जवळ आल्याचे सांगितले जाते.
दरम्यान इम्रान यांनी 1995 साली जेमिमा खानबरोबर लग्न केले होते. त्यांना दोन मुलेही आहेत. पण 9 वर्षांनंतर हे दोघे वेगळे झाले.
इम्रान यांनी 2015 मध्ये पत्रकार रेहम खानबरोबर दुसरे लग्न केले. पण त्यांचे नाते 10 महिनेच टिकले.
इम्रान यांनी 2018 मध्ये बुशराबरोबर तिसरे लग्न केले. त्यांचे नाते अद्याप कायम आहे.
इम्रान खान यांचे सीता व्हाईटबरोबर देखील अफेअर होते. त्यांना एक मुलगीही झाली, जिचे नाव टेरियन व्हाईट आहे.