Pranali Kodre
पॅरिसला 30 ऑक्टोबर रोजी 67 वा बॅलन डी'ओर पुरस्कार सोहळा पार पडला.
या सोहळ्यात अर्जेंटिनाचा स्टार खेळाडू लिओनेल मेस्सीने मानाचा बॅलन डी'ओर पुरस्कार पटकावला.
विक्रमी आठव्यांदा त्याच्या नावाची मोहोर या पुरस्कारावर उमटली आहे.
मेस्सीने एर्लिंग हालंडला मागे टाकत बॅलन डी'ओर 2023 पुरस्कार जिंकला आहे. पुरस्कारासाठीच्या मतदानात नॉर्वेचा हालंड दुसऱ्या क्रमांकावर राहिला.
मेस्सीने यापूर्वी 2009, 2010, 2011, 2012,2015, 2019 आणि 2021 साली हा प्रतिष्ठीत बॅलन डी'ओर पुरस्कार जिंकला होता.
मेस्सीव्यतिरिक्त कोणालाही 8 वेळा बॅलन डी'ओर पुरस्कार जिंकता आलेला नाही.
मेस्सीनंतर 5 वेळा ख्रिस्तियानो रोनाल्डोने हा पुरस्कार जिंकला आहे.
दरम्यान,मेस्सीने हा पुरस्कार दिग्गज दिएगो मॅराडोना यांनाही समर्पित केला.