Pranali Kodre
पहिल्या महिला आयपीएलला म्हणजेच वूमन्स प्रीमियर लीगला (WPL) 4 मार्च 2023 पासून सुरुवात होणार आहे.
पहिल्या वूमन्स प्रीमियर लीगमध्ये एकूण 5 संघ सामील होणार असून या संघांची आता अंतिम तयारी सुरू आहे.
डब्ल्यूपीएलमधील मुंबई इंडियन्स, रॉयल चॅलेंजर्स बेंगलोर, दिल्ली कॅपिटल्स, यूपी वॉरियर्स आणि गुजरात जायंट्स या पाचही संघांनी लिलावातून आपली संघबांधणी केली आहे.
दरम्यान, हे पाच संघ विकत घेण्यासाठीही अनेक मोठ-मोठ्या कंपन्यांनी प्रयत्न केले होते.
त्यातील आयपीएलमधील मुंबई इंडियन्स, रॉयल चॅलेंजर्स बेंगलोर आणि दिल्ली कॅपिटल्स या तीन फ्रँचायझी मालकांनीच वूमन्स प्रीमियर लीगमधील अनुक्रमे मुंबई, बेंगलोर आणि दिल्ली या फ्रँचायझी विकत घेतले.
तसेच अहमदाबाद आणि लखनऊ फ्रँचायझी विकत घेणाऱ्या कंपन्या मात्र आयपीएल फ्रँचायझीचे मालक नाहीत.
डब्ल्यूपीएलमधील मुंबई फ्रँचायझी इंडियाविन स्पोर्ट्स प्रायव्हेट लिमिटेड कंपनीने 912.99 कोटी रुपयांना खरेदी केली आहे.
डब्ल्यूपीएलमधील बंगळुरु फ्रँचायझी रॉयल चॅलेंजर्स स्पोर्ट्स प्रायव्हेट लिमिटेड कंपनीने 901 कोटी रुपयांना खरेदी केली आहे.
डब्ल्यूपीएलमधील दिल्ली फ्रँचायझी जेएसडब्ल्यू जीएमआर क्रिकेट प्रायव्हेट लिमिटेड कंपनीने 810 कोटी रुपयांना खरेदी केली आहे.
डब्ल्यूपीएलमधील लखनऊ फ्रँचायझी कॅप्री ग्लोबल होल्डिंग्स प्रायव्हेट लिमिटेड कंपनीने 757 कोटी रुपयांना खरेदी केली आहे.
डब्ल्यूपीएलमधील अहमदाबाद फ्रँचायझी सर्वात महागडी ठरली असून या फ्रँचाझीचे मालकी हक्क अदानी स्पोर्ट्स लाइन प्रायव्हेट लिमिटेड कंपनीने 1289 कोटी रुपयांना खरेदी केले आहे.