Pranali Kodre
भारतीय क्रिकेट संघातील फलंदाज केएल राहुलने नुकतीच कर्नाटकमधील श्री क्षेत्र धर्मस्थळ मंजुनाथ स्वामी मंदिराला भेट दिली.
इथे केएल राहुलने भगवान शिवाच्या नावांपैकी एक असलेल्या भगवान मंजुनाथाची प्रार्थना केली.
यावेळी केएल राहुलने पारंपारिक पोषाख परिधान केल्याचे दिसत आहे.
यापूर्वी मार्चमध्ये केएल राहुलने पत्नी आथिया शेट्टीबरोबर उज्जैनमधील महाकालेश्वर मंदिरालाही भेट दिली होती.
दरम्यान, केएल राहुल सध्या मांडीच्या दुखापतीतून सावरत आहे.
आयपीएल 2023 स्पर्धा खेळत असताना केएल राहुल दुखापतग्रस्त झाला. त्यामुळे त्याच्या उजव्या मांडीवर इंग्लंडमध्ये शस्त्रक्रिया करण्यात आली.
त्यामुळे केएल राहुल सध्या बंगळुरूमधील राष्ट्रीय क्रिकेट अकादमीमध्ये या शस्त्रक्रियेनंतरच्या प्रक्रियेला सामोरे जात आहे.
याच दुखापतीमुळे त्याला कसोटी चॅम्पियनशीप 2021-23 स्पर्धेच्या अंतिम सामन्याला मुकावे लागले होते. तसेच आगामी वेस्ट इंडिज दौऱ्यालाही तो मुकणार आहे.
याशिवाय तो 31 ऑगस्टपासून सुरू होणाऱ्या आशिया चषकालाही या दुखापतीमुळे मुकण्याची शक्यता वर्तवण्यात येत आहे.