Sameer Amunekar
कशेळी या बीचचे सर्वात वेगळे वैशिष्ट्य म्हणजे इथे पोहोचण्यासाठी आधी डोंगर उतरावा लागतो. कारण हा समुद्र किनारा दोन डोंगरांच्या कपारीत लपलेला आहे.
कशेळी बीच पूर्णपणे निसर्गाच्या कवेत आहे. दोन्ही बाजूंनी उंच डोंगर आणि समोर अथांग समुद्र – दृश्य अक्षरशः मंत्रमुग्ध करणारे आहे.
या बीचचा आकार अगदी बटरफ्लाय (फुलपाखरू) सारखा असून त्यामुळे तो गोव्याच्या प्रसिद्ध बटरफ्लाय बीचची आठवण करून देतो.
इथे अजूनही फारशी पर्यटकांची गर्दी नसल्यामुळे शांतता, एकांत आणि निसर्गप्रेमींना हा बीच स्वर्गासारखा वाटतो.
कशेळी गावातील देवघळी बीचचा सनसेट पॉईंट सध्या हळूहळू फेमस टुरिस्ट डेस्टिनेशन बनत आहे. सूर्यास्ताचा सोनेरी रंग इथे पाहायलाच हवा.
कशेळीच्या टेबल पॉईंटवरून समुद्राचे विहंगम दर्शन होते. फोटोग्राफी प्रेमींंसाठी हा पॉईंट खास आकर्षण आहे.
स्वच्छ पाणी, नैसर्गिक रचना, डोंगर-समुद्राचा संगम यामुळे कशेळी बीच हा कोकणातील सर्वात सुंदर सिक्रेट बीचपैकी एक मानला जातो.