Pranali Kodre
आयपीएल 2023 मध्ये 25 एप्रिलला गुजरात टायटन्स विरुद्ध मुंबई इंडियन्स संघात सामना झाला.
अहमदाबादमधील नरेंद्र मोदी स्टेडियमवर झालेल्या या सामन्यात गुजरातने 55 धावांनी विजय मिळवला.
दरम्यान, या सामन्यासाठी मुंबई इंडियन्सचा अनुभवी वेगवान गोलंदाज जसप्रीत बुमराह देखील स्टेडियममध्ये उपस्थित होता.
खरंतर बुमराह सध्या पाठीवर झालेल्या दुखापतीतून सावरत आहे. त्यामुळे तो आयपीएल 2023 स्पर्धेत सहभागी झालेला नाही.
पण, तो त्याचा आयपीएलमधील संघ मुंबई इंडियन्सला पाठिंबा देण्यासाठी स्टेडियममध्ये आला होता.
त्याचा स्टेडियममधील फोटोही मुंबई इंडियन्सने सोशल मीडियावर शेअर केला असून यावर अनेक चाहत्यांचा प्रतिक्रिया येत आहेत.
बुमराह गेल्या अनेक महिन्यांपासून पाठीच्या दुखापतीमुळे क्रिकेटपासून दूर आहे. याच दुखापतीमुळे त्याची मार्चमध्ये शस्त्रक्रियाही झाली आहे.
त्याला या शस्त्रक्रियेतून सावरण्यासाठी 5-6 महिन्यांचा कालावधी लागण्याची शक्यता आहे.
त्यामुळे तो भारतात होणाऱ्या वनडे वर्ल्डकपपर्यंत भारतीय संघात पुनरागमन करु शकतो, अशी शक्यता वर्तवण्यात येत आहे.