Manish Jadhav
टीम इंडियाने बर्मिंगहॅममध्ये मोठी धावसंख्या उभारुन सामन्यावर ताबा मिळवला असं वाटलं. परंतु इंग्लंडच्या सर्वात आक्रमक फलंदाजांपैकी एक असलेल्या जेमी स्मिथने यावर पाणी फेरलं.
स्मिथने भारतीय गोलंदाजांचा चांगलाच समाचार घेतला. त्याने शानदार आणि आक्रमक खेळी खेळली. त्याच्या खेळीदरम्यान काही रेकॉर्डही झाले.
जेमी स्मिथ आता पहिल्या सत्रातच लंचपूर्वी शतक पूर्ण करणारा इंग्लंडचा पहिला फलंदाज बनला आहे, असे यापूर्वी कधीही घडले नव्हते.
स्मिथने अवघ्या 80 चेंडूत आपले शतक पूर्ण केले. इंग्लंडसाठी कसोटीत सर्वात जलद शतक करणाऱ्या फलंदाजांच्या यादीत हॅरी ब्रूकसह तिसऱ्या क्रमांकावर पोहोचला.
हॅरी ब्रूकने 2022 मध्ये पाकिस्तानविरुद्ध 80 चेंडूत शतकही ठोकले होते. तथापि, आता स्मिथने कर्णधार बेन स्टोक्सला मागे सोडले.
दुसरीकडे, भारताविरुद्ध कसोटीत सर्वात जलद शतक करणारा फलंदाज डेव्हिड वॉर्नर आहे, ज्याने 2012 मध्ये 69 चेंडूत शतक केले होते.
तसेच, 2010 मध्ये दक्षिण आफ्रिकेचा एबी डिव्हिलियर्सने भारताविरुद्ध 75 चेंडूत शतक केले होते.