Pranali Kodre
भारताचा कर्णधार रोहित शर्माने वर्ल्डकप 2023 स्पर्धेत इंग्लंडविरुद्ध खेळताना 87 धावांची खेळी केली. या खेळीसह त्याने 18 हजार आंतरराष्ट्रीय धावांचा टप्पा पार केला.
रोहित आंतरराष्ट्रीय क्रिकेटमध्ये 18 हजार धावा करणारा पाचवा भारतीय खेळाडू ठरला आहे.
रोहितने आंतरराष्ट्रीय क्रिकेटमध्ये 457 सामन्यांमध्ये 43.46 च्या सरासरीने 18040 धावा केल्या आहेत.
आंतरराष्ट्रीय क्रिकेटमध्ये सर्वाधिक धावा करणाऱ्या भारतीय खेळाडूंमध्ये अव्वल क्रमांकावर सचिन तेंडुलकर असून त्याने 664 सामन्यांमध्ये 48.52 सरासरीने 34357 धावा केल्या आहेत.
या यादीत दुसऱ्या क्रमांकावर 26121 धावांसह विराट कोहली आहे. विराटने या धावा 513 सामन्यांमध्ये 53.96 सरासरीने केल्या आहेत.
राहुल द्रविड तिसऱ्या क्रमांकावर असून त्याने 509 आंतरराष्ट्रीय सामन्यांमध्ये 45.41 सरासरीने 24208 धावा केल्या आहेत.
सौरव गांगुली चौथ्या क्रमांकावर आहे. त्याने 424 आंतरराष्ट्रीय सामन्यांमध्ये 41.46 सरासरीने 18575 धावा केल्या आहेत.
या यादीत सहाव्या क्रमांकावर 17266 धावांसह एमएस धोनी आहे. त्याने 538 आंतरराष्ट्रीय सामन्यांमध्ये 44.96 च्या सरासरीने या धावा केल्या आहेत.
विरेंद्र सेहवाग या यादीत सातव्या क्रमांकावर आहे. त्याने 374 आंतरराष्ट्रीय सामन्यांमध्ये 40.31 च्या सरासरीने 17253 धावा केल्या आहेत.