Pranali Kodre
भारत विरुद्ध ऑस्ट्रेलिया संघातील अहमदाबादला झालेल्या कसोटी सामन्यादरम्यान 10 मार्च 2023 रोजी आर अश्विन ऑस्ट्रेलियाविरुद्ध सर्वाधिक कसोटी विकेट्स घेणारा भारतीय गोलंदाज ठरला.
अश्विनने हा विक्रम करताना अनिल कुंबळेला मागे टाकले आहे.
अश्विनच्या आता ऑस्ट्रेलियाविरुद्ध कसोटी क्रिकेटमध्ये 22 सामन्यात 113 विकेट्स झाल्या आहेत.
ऑस्ट्रेलियाविरुद्ध सर्वाधिक कसोटी विकेट्स घेणाऱ्या भारतीय गोलंदाजांमध्ये आता कुंबळे दुसऱ्या क्रमांकावर आला आहे.
अनिल कुंबळेने ऑस्ट्रेलियाविरुद्ध 20 कसोटी सामन्यांत 111 विकेट्स घेतल्या आहेत.
या यादीत 18 कसोटी सामन्यातील 95 विकेट्ससह हरभजन सिंग तिसऱ्या क्रमांकावर आहे.
या विक्रमाच्या यादीत चौथ्या क्रमांकावर रविंद्र जडेजा असून त्याने 10 मार्चपर्यंत ऑस्ट्रेलियाविरुद्ध 16 सामन्यांत 85 विकेट्स घेतल्या आहेत.
दिग्गज कपिल देव या यादीत पाचव्या क्रमांकावर आहेत. त्यांनी ऑस्ट्रेलियाविरुद्ध कसोटी क्रिकेटमध्ये 20 सामन्यांत 79 विकेट्स घेतल्या आहेत.