Pranali Kodre
भारत विरुद्ध न्यूझीलंड संघात 24 जानेवारी रोजी वनडे मालिकेतील तिसरा सामना इंदोरला होणार आहे.
या सामन्यापूर्वी भारतीय संघातील काही खेळाडूंनी उज्जैनमधील महाकालेश्वर मंदिरात जाऊन दर्शन घेतले.
महाकालेश्वर मंदीराला भेट देणाऱ्या क्रिकेटपटूंमध्ये सूर्यकुमार यादव, कुलदीप यादव आणि वॉशिंग्टन सुंदर यांचा समावेश होता.
भारतीय क्रिकेटपटू महाकालेश्वर मंदिरात महाकालच्या भस्म आरतीमध्ये देखील सामील झाले होते.
यावेळी भारतीय क्रिकेटपटूंनी पारंपारिक वेश परिधान केला होता.
सूर्यकुमार यादवने माहिती दिली की त्यांनी यावेळी ऋषभ पंतच्या प्रकृतीसाठी प्रार्थना केली.
पंतचा 30 डिसेंबर 2022 रोजी कार अपघात झाला होता. सध्या त्याच्यावर उपचार सुरू असून त्याची प्रकृती स्थिर आहे.
पंत या अपघातानंतर आता 2023 वर्षातील क्रिकेट सामन्यांना मुकण्याची शक्यता वर्तवली जात आहे.
भारतीय खेळाडूंनी यापूर्वी श्रीलंकेविरुद्धच्या वनडे मालिकेदरम्यान देखील तिरुअनंतपूरम येथील पद्मनाभस्वामी मंदिरात जाऊन दर्शन घेतले होते.