Pranali Kodre
भारताचा लेग स्पिनर युजवेंद्र चहल 23 जुलै रोजी त्याचा वाढदिवस साजरा करत आहे.
चहलला मर्यादीत षटकांमधील भारताच्या यशस्वी फिरकीपटूंमध्ये गणले जाते.
युजवेंद्र चहलला टिल्ली हे टोपननाव त्याच्या सडपातळ अंगकाठीमुळे पडले आहे.
चहल त्यांच्या विनोदी स्वभावामुळे आणि त्याच्या हटके सोशल मीडिया पोस्टमुळे नेहमीच चर्चेत असतो. त्याच्या बसण्याच्या स्टाईलमुळे त्याचे मीमही व्हायरल होत असते, ज्याची मजा तो स्वत: देखील घेत असतो.
चहल आंतरराष्ट्रीय टी20 क्रिकेटमध्ये 5 विकेट्स घेणारा पहिला भारतीय गोलंदाज आहे.
तसेच आंतरराष्ट्रीय क्रिकेटमध्ये कन्कशन सबस्टिट्यूट म्हणून खेळतानाही सामनावीर पुरस्कार जिंकणारा पहिला क्रिकेटर आहे. तो ऑस्ट्रेलिाविरुद्धच्या एका टी२० सामन्यात दुखापतग्रस्त रविंद्र जडेजाचा कन्कशन सबस्टिट्यूट म्हणून खेळला होता.
चहलने भारताचे चेस या खेळातही आंतरराष्ट्रीय स्तरावर प्रतिनिधित्व केले आहे. तो 2003 मध्ये ग्रीसला झालेल्या वर्ल्ड युथ चेस चॅम्पियनशीपमध्ये सहभागी झाला होता.
चहलने जून 2016 मध्ये आंतरराष्ट्रीय क्रिकेटमध्ये पदार्पण केले होते. त्याने त्याच्या आंतरराष्ट्रीय कारकिर्दीत 72 वनडे सामने खेळताना 121 विकेट्ल घेतले आहेत. तसेच टी20 मध्ये त्याने 75 सामन्यांमध्ये 91 विकेट्स घेतले आहेत.
चहल आयपीएल इतिहासात सर्वाधिक विकेट्स घेणारा गोलंदाज असून त्याच्या नावावर 145 सामन्यांत 187 विकेट्सचा समावेश आहे.