Pranali Kodre
भारत विरुद्ध ऑस्ट्रेलिया यांच्यातील बॉर्डर-गावसकर ट्रॉफी 2023 कसोटी मालिकेतील तिसरा सामना इंदूरला होळकर स्टेडियमवर पार पडला.
या इंदूर कसोटीत ऑस्ट्रेलियाने 9 विकेट्सने विजय मिळवला.
त्यामुळे भारतीय संघावर दोन वर्षांनंतर मायदेशात कसोटी सामन्यात पराभूत होण्याची वेळ आली आहे.
यापूर्वी भारतीय संघ अखेरच्या वेळी 5 ते 9 फेब्रुवारी 2021 दरम्यान चेन्नईला इंग्लंड विरुद्ध झालेल्या कसोटी सामन्यात पराभूत झाला होता.
चेन्नई कसोटीत इंग्लंडने भारतीय संघाला 227 धावांनी पराभूत केले होते.
या सामन्यानंतर भारतीय संघ मायदेशात 10 कसोटी सामने खेळला आहे.
या 10 सामन्यांपैकी भारताने 8 सामन्यांत विजय मिळवला आहे.
त्याचबरोबर या 10 सामन्यांमधील न्यूझीलंडविरुद्ध कानपूर येथे झालेला कसोटी सामना अनिर्णित राहिला होता. तसेच आता इंदूरमध्ये एक सामना पराभूत झाला आहे.