Pranali Kodre
भारतीय क्रिकेट संघ सध्या वेस्ट इंडिज दौऱ्यावर असून या दौऱ्यातील सामन्यांना 12 जुलैपासून सुरुवात होणार आहे.
भारतीय संघाला 12 जुलै ते 13 ऑगस्ट दरम्यान होणाऱ्या या दौऱ्यात वेस्ट इंडिजविरुद्ध 2 कसोटी, 3 वनडे आणि 5 टी20 सामन्यांची मालिका खेळायची आहे.
या मालिकांसाठी सध्या भारतीय संघ बार्बाडोसमध्ये जोरदार तयारी करत आहे.
याचदरम्यान, भारतीय संघातील खेळाडूंनी वेस्ट इंडिजचे दिग्गज खेळाडू सर गारफिल्ड सोबर्स यांचीही भेट घेतली.
भेटीदरम्यान सोबर्स यांच्यासमवेत त्यांची पत्नीही होती.
बीसीसीआयने भारतीय खेळाडूंचा आणि सोबर्स पती-पत्नीच्या भेटीचा व्हिडिओही शेअर केला आहे.
या भेटीदरम्यान भारतीय संघाचा प्रशिक्षक राहुल द्रविडने काही खेळाडूंची ओळखही सोबर्स यांना करून दिली.
द्रविडने शुभमन गिलची ओळख करून देताना सांगितले की 'आमच्या उदयोन्मुख फलंदाजांपैकी एक'.
विराट कोहली, रोहित शर्मा, अजिंक्य रहाणे अशा सिनियर खेळाडूंनीही सोबर्स यांची भेट घेतली.
विशेष गोष्ट अशी की सोबर्स यांच्या नावाने आयसीसीकडून दरवर्षी सर्वोत्तम आंतरराष्ट्रीय पुरुष क्रिकेटपटूला 'सर गारफिल्ड सोबर्स' पुरस्काराने सन्मानित केले जाते.