Pranali Kodre
भारतीय क्रिकेट संघ सध्या वेस्ट इंडिज दौऱ्यावर असून या दौऱ्यात 2 सामन्यांची कसोटी, 3 सामन्यांची वनडे आणि 5 सामन्यांची टी20 मालिका खेळली जाणार आहे.
वेस्ट इंडिज आणि भारत यांच्यातील कसोटी मालिकेला 12 जुलैपासून सुरुवात होणार आहे.
पहिला कसोटी सामना डॉमिनिकामधील रोसीउतील विंडसर पार्क येथे 12 ते 16 जुलै दरम्यान खेळवला जाणार आहे.
या सामन्यासाठी भारतीय संघ 8 जुलैला डॉमिनिकाला पोहचला आहे.
भारतीय संघ या दौऱ्यासाठी जवळपास 2 आठवडे आधीच बार्बाडोसला पोहचला होता.
बार्बाडोसला जवळपास आठवडाभर सराव केल्यानंतर भारतीय संघ डॉमिनिकाला पोहोचला.
भारतीय संघाने बार्बाडोसला 2 दिवसीय इंट्रा-स्क्वाड सराव सामनाही खेळला आहे.
भारतीय संघ वेस्ट इंडिजविरुद्ध पहिल्या कसोटीनंतर दुसरा कसोटी सामना त्रिनिदादला 20 ते 24 जुलै दरम्यान खेळणार आहे.