Akshata Chhatre
केस गळतीच्या समस्येवर आपण अनेक महागड्या शैम्पू आणि कंडिशनरचा वापर करतो, पण त्याचा फारसा फायदा होत नाही.
अशावेळी, केसांच्या मुळांना मजबूत करण्यासाठी पारंपरिक पद्धतींकडे परत जाणे आवश्यक आहे.
विशेषत: केसांची वाढ होण्यासाठी आणि त्यांना मजबुती देण्यासाठी तुम्ही घरीच एक शक्तिशाली तेल तयार करू शकता.
ज्यासाठीचे सर्व घटक तुमच्या किचनमध्ये उपलब्ध आहेत.
या तेलात मेथी दाणे, तांदूळ, कांदा, आले आणि मोहरीचे तेल वापरले जाते.
मेथी आणि तांदूळ ४-५ तास भिजवून त्याची पेस्ट बनवा. लोखंडाच्या कढईत मोहरीचे तेल गरम करून त्यात कांदा आणि आले ५ मिनिटे शिजवा. त्यानंतर ही पेस्ट घालून १५-२० मिनिटे शिजवा.
थंड झाल्यावर हे तेल गाळून जारमध्ये ठेवा. हे तेल रूम टेम्परेचरवर एक महिन्यापर्यंत सुरक्षितपणे वापरले जाऊ शकते. हे घरगुती तेल केसांच्या अनेक समस्यांपासून आराम देते आणि त्यांना मुळापासून मजबूत करते.