दैनिक गोमन्तक
सततचे तोंडाला फोड येण्याने खाणे-पिणे कठीण झाले आहे, हे घरगुती उपाय ट्राय करा.
बऱ्याच वेळा तोंडाला आलेले फोड लवकर बरे होतात, पण कधी लवकर न गेल्याने त्याचा त्रास बोलतानाही होतो.
तोंडाला येणारे फोड हिरड्यांच्या वरच्या बाजूला, जीभेवर, गालाच्या आतील भागावर, ओठांवर आणि टाळूवर येऊ शकतात.
कधीकधी फोडांचा त्रास इतका वाढतो की, डॉक्टरकडे जावे लागते, पण या तोंडाच्या फोडांवर काही घरगुती उपायही आहेत.
अशा वेळेस तु्म्ही एक ग्लास कोमट पाण्यात मिठ टाकून ते पाणी थोडं थोडं तोंडात भरुन गुळण्या करा, यामुळे फोडांपासून आराम मिळेल.
एका प्लेटमध्ये चार ते पाच चमचे हळद घेऊन त्यात थोडे पाणी मिसळून पेस्ट तयार करा, ही पेस्ट दिवसातून दोन-तीन वेळा फोडांवर लावा.
तोंडाच्या फोडांवर मधही खूप गुणकारी आहे, दिवसातून 4-5 वेळा हे केल्याने फोडांचा त्रास कमी होईल.
तोंडाच्या फोडांवर शुद्ध खोबरेल तेल लावा, त्यामुळे फोडांचा त्रासही कमी होतो आणि फोड जाण्यास मदत होते.