Akshata Chhatre
ऋतू बदलताना केसांच्या आरोग्यावर मोठा परिणाम होतो. विशेषतः पावसाळ्यात केस कोरडे, निस्तेज होतात आणि कोंड्यामुळे अधिक तुटू लागतात.
अशा वेळी महागडी रासायनिक उत्पादने वापरण्याऐवजी घरगुती, नैसर्गिक उपाय अधिक फायदेशीर ठरतात.
अळशीच्या बियांनी बनवलेलं हेअर जेल हे केसांसाठी एक उत्तम पर्याय आहे.
यामध्ये असणारे ओमेगा-३ फॅटी अॅसिड, व्हिटॅमिन ई, अँटीऑक्सिडंट्स आणि लिग्नॅन्स केसांना पोषण देतात, त्यांची मुळे बळकट करतात आणि नैसर्गिकरित्या वाढवतात.
हे जेल तयार करण्यासाठी फक्त २ चमचे अळशीच्या बिया आणि २ कप पाणी घ्या. बिया पाण्यात उकळा, मिश्रण घट्ट झाल्यावर गाळा.
यात काही थेंब रोझमेरी इसेंशियल ऑइल घालून एक शक्तिवर्धक हेअर जेल तयार करता येतं.
हे जेल केसांच्या मुळांपासून टोकांपर्यंत लावून १ ते १.५ तास ठेवा आणि नंतर सौम्य शॅम्पूने धुवा. आठवड्यातून १-२ वेळा याचा वापर केल्यास केस मऊ, चमकदार, मजबूत होतात.