Pramod Yadav
गोव्यातील केपे पासून सहा किलोमीटर अंतरावर असलेल्या मळकर्णे गावात ही अनोखी होळी खेळली जाते.
गावचे युवक होळीच्या रात्री मल्लिकार्जुनाच्या देवळासमोर एकत्र येतात.
या होळीच्या माडीवर तरुण वर चढू लागतात आणि खाली असलेले भाविक त्यांच्यावर पेटलेली शेणी फेकून मारतात.
शेणी म्हणजे शेणाची सुकी गोवरी. ही पेटलेली शेणी अंगावर फेकली की गावातील इडा पीडा दूर होते आणि रोगराई टळते असा समज आहे.
या उत्सवात भाग घेणारे सात दिवस व्रतस्थ राहतात. व्रतस्थ राहतात त्यांनाच या उत्सवात भाग घेता येतो.
माडीवर चढलेल्या गाड्यावर जेव्हा पेटती शेणी फेकली जाते, तेव्हा ती त्याच्यावर आपटून आगीच्या ठिणग्या सर्वत्र पसरतात.
खाली आंब्याचे ताळे घेऊन नाचणाऱ्यावरही या ठिणग्या पडतात. देवाचाच हा प्रसाद समजून आपल्यावर झालेली ती कृपा समजतात.
शेकडो वर्षापासून मळकर्णे गावात ही आगळी वेगळी होळी साजरी केली जाते.