Pranali Kodre
गोव्याचा 26 वर्षीय क्रिकेटपटू सुयश प्रभुदेसाईने आयपीएलमध्ये पुनरागमन केले आहे.
17 एप्रिलला आयपीएल 2023 स्पर्धेत रॉयल चॅलेंजर्स बेंगलोर विरुद्ध चेन्नई सुपर किंग्स संघात झालेल्या सामन्यात सुयश खेळला होता.
त्याने या सामन्यात 11 चेंडूत 2 षटकारांसह 19 धावा केल्या.
सुयशने यापूर्वी आयपीएलमध्ये 2022 साली बेंगलोरकडून पदार्पण केले होते. त्याला बेंगलोरने 30 लाखांच्या किमतीत संघात सामील करून घेतले आहे.
सुयशने 2022 आयपीएलमध्ये 5 सामने खेळले होते. यामध्ये त्याने 67 धावा केल्या होत्या.
सुयश हा आयपीएलचा करार मिळवणारा गोव्याचा चौथाच क्रिकेटपटू आहे.
सध्या सुयश गोव्याच्या संघातील प्रमुख फलंदाजांपैकी एक आहे. सुयश गोव्याचे देशांतर्गत क्रिकेटमध्ये तिन्ही प्रकारात प्रतिनिधित्व करतो.
आत्तापर्यंत सुयश 26 प्रथम श्रेणी सामने, 41 लिस्ट ए सामने आणि 35 टी20 सामने खेळले आहेत.
सुयशने प्रथम श्रेणी क्रिकेटमध्ये 1629 धावा, लिस्ट एमध्ये 932 धावा आणि टी20 सामन्यांमध्ये 682 धावा केल्या आहेत.