Akshay Nirmale
गोवा राज्य सरकारने संशोधन फाऊंडेशन ही योजना जाहीर केली आहे.
त्यानुसार गोवा विद्यापीठात पीएच.डी. संशोधन करणाऱ्या विद्यार्थ्याला दोन वर्षांसाठी दरमहा 25 हजार रूपये दिले जाणार आहेत.
याशिवाय वर्षाला 25 हजार रूपये अतिरिक्त मदतही दिली जाणार आहे.
संशोधक विद्यार्थ्याची कामगिरी समाधानकारक असल्यास तिसऱ्या वर्षीही शिष्यवृत्ती दिली जाईल.
या योजनेसाठी गोव्यात 15 वर्षे वास्तव्याची अट आहे. तसेच गोवा विद्यापीठात पीएच.डी साठी नोंदणी हवी.
संशोधक पूर्ण वेळ पीएच.डी. करणारा असावा आणि त्याचे वय 35 वर्षांपर्यंत असावे. एससी, एसटी, ओबीसीसाठी वयाची अट 5 वर्षे शिथिल असेल.
संशोधक विद्यार्थ्याला 6 महिन्यानंतर संशोधन अहवाल सादर करावा लागेल. समिती त्याचे मुल्यमापन करेल. तसेच विद्यार्थ्याला खर्चाचा तपशील सादर करावा लागेल.