Manish Jadhav
गोवा अन् पावसाळा यांचं समीकरणं काही औरंच आहे. तुम्हीही गोव्यात पावसाळ्यात येत असाल येथील मोहत्सवाची मज्जा नक्की लुटा... गोव्यातील अनेक प्रसिद्ध मोहत्सवापैकी एक चिखलकाला हा महोत्सव आहे.
गोव्यात दरवर्षी मोठ्या उत्साहात चिखलकाला महोत्सव साजरा केला जातो. आषाढी एकादशीचा सोहळा पार पडल्यानंतर गोव्यात 'चिखलकाला' महोत्सव साजरा करतात.
या मोहत्सवाची 400 वर्षे परंपरा जुनी असल्याचं म्हटलं जातं. यामध्ये लहानांपासून तर मोठ्यांपर्यंत सर्वच पुरुष हे उघड्या अंगाने चिखलात लोळत विविध खेळ खेळतात.
माशेल येथील देवकी कृष्ण मंदीरात चिखलकालाचे आयोजन करण्यात येते. एकमेकांच्या अंगावर चिखल उडवत विठुरायाच्या गजरात दंग होऊन चिखलकाला खेळला जातो.
गोव्यात यावर्षी हा मोहत्सव 17 आणि 18 जुलै 2024 रोजी साजरा करण्यात येणार आहे.
हा महोत्सव भगवान श्रीकृष्णाच्या बालपणातील खेळकर आणि खोडकर स्वभावाच्या स्मरणार्थ साजरा केला जातो.
बाळकृष्णाने त्याची आई आणि ब्रिजमधील लोकांसोबत चिखलकाला खेळला. हा एक पुरुषप्रधान मोहत्सव आहे.
माशेलात चिखलकालाला स्थानिक लोक ‘गोपाळकाला’ म्हणूनही ओळखतात.
गोव्यात चिखलकाला फोंडा, साखळी आणि माशेल येथे साजरा केला जातो. माशेल येथील होणारा चिखलकाला आगळावेगळा असून पारंपरिक पद्धतीने साजरा केला जातो.