Pranali Kodre
ऑस्ट्रेलियाचा स्टार अष्टपैलू खेळाडू ग्लेन मॅक्सवेल आणि त्याची पत्नी विनी रमण एका मुलाचे आई-वडील झाले आहेत.
ग्लेन आणि विनी यांना 11 सप्टेंबर रोजी पुत्र प्राप्ती झाली आहे. मुलाच्या जन्माबद्दल सोशल मीडियावर पोस्ट करत विनीने माहिती दिली आहे.
विनीने त्यांना 11 सप्टेंबरला मुलगा झाल्याची घोषणा करताना एक फोटो शेअर केला आहे.
या फोटोमध्ये मॅक्सवेल आणि विनीच्या नवज्यात मुलाची झलक पाहायला मिळत आहे. तसेच त्या दोघांचे हातही दिसत आहेत.
या फोटोच्या कॅप्शनमध्ये तिने मुलाच्या जन्म तारखेचा आणि नावाचा खुलासा केला आहे.
विनी आणि मॅक्सवेल यांनी त्यांच्या मुलाचे नाव लोगन मॅव्हरिक असे ठेवले आहे.
काही दिवसांपूर्वीच विनीचे भारतातील पारंपारिक तमिळ पद्धतीने डोहाळे जेवण करण्यात आले होते. त्याचे अनेक फोटो विनीने सोशल मीडियावरही शेअर केले होते.
ग्लेन मॅक्सवेल आणि विनी रमण यांचे लग्नही भारतीय आणि ख्रिश्चन पद्धतीने 2022 साली झाले होते.