Akshata Chhatre
तूप आणि मलाई हे फक्त आपल्या जेवणाची चव वाढवणारे घटक नाहीत, तर त्वचेच्या सौंदर्यासाठीही नैसर्गिक वरदान आहेत.
आपल्या आजी-आईच्या काळापासून चालत आलेले हे घरगुती उपाय आजही तितकेच प्रभावी आहेत.
तूपामध्ये असणारे ओमेगा-फॅटी ॲसिड्स आणि व्हिटॅमिन्स त्वचेच्या खोलवर पोषण पोहोचवतात, कोरडेपणा कमी करतात आणि सुरकुत्या दूर करण्यास मदत करतात.
हिवाळ्यातील कोरडी, निस्तेज त्वचेसाठी हे अमृतासारखे कार्य करते.
दुसरीकडे, मलाईमध्ये असणारे लॅक्टिक ॲसिड मृत त्वचेच्या पेशी सौम्यपणे काढून टाकते, ज्यामुळे चेहऱ्यावर लगेचच ताजेपणा आणि गारवा येतो.
उन्हाळ्यातील ऊन्हामुळे आलेला निस्तेजपणा कमी करण्यासाठी मलाईचा थंडावा अत्यंत उपयुक्त ठरतो.
दीर्घकाळासाठी खोलवर पोषण आणि अँटी-एजिंग परिणाम हवे असतील तर तुपाला प्राधान्य द्यावे, आणि एखाद्या खास प्रसंगाआधी झटपट उजाळ्यासाठी मलाई वापरावी.