Pranali Kodre
गेल्या काही क्रिकेट सामन्यांमध्ये भारतीय फलंदाजांना मिचेल स्टार्क, शाहीन आफ्रिदी, ट्रेंट बोल्ट यांसारख्या डावखुऱ्या वेगवान गोलंदाजांनी कठीण प्रश्न विचारल्याचे दिसते.
साधारणत: जेव्हा संघात डावखुरा वेगवान गोलंदाज असतो, तेव्हा कोणत्याही संघाला त्याचा जास्तीत जास्त वेळा फायदाच होतो.
भारतीय संघासाठी दमदार कामगिरी करणाऱ्या झहीर खान, इरफान पठाण, आशिष नेहरा अशी काही डावखुऱ्या वेगवान गोलंदाजांची उदाहरणे देखील आहेत.
मात्र, सध्या भारतीय संघात डावखुऱ्या वेगवान गोलंदाजाची कमी भासत आहे. त्यामुळेच ही जागा भविष्यात भरून काढण्यासाठी कोणत्या गोलंदाजांचा पर्याय आहे याकडे एक नजर टाकू.
अर्शदीप सिंगने भारतीय संघाकडून पदार्पणही यापूर्वीच केले आहे. तसेच त्याची कामगिरीही चांगली झाली असून तो देखील भविष्यासाठी डावखुऱ्या वेगवान गोलंदाजीसाठी एक चांगला पर्याय असू शकतो.
खलील अहमदनेही अनेकदा त्याच्या कामगिरीने प्रभावित केले असून तोही डावखुऱ्या वेगवान गोलंदाजीसाठी चांगला पर्याय आहे.
मोहसीन खान आयपीएलमधून प्रकाशझोतात आला आहे. त्याने 2022 आयपीएलमध्ये अनेकांना प्रभावित केले होते. त्यामुळे तोही डावखुऱ्या वेगवान गोलंदाजीसाठी एक पर्याय ठरू शकतो.
आयपीएलमध्ये सीएसकेकडून खेळणारा मुकेश चौधरीने गेल्या हंगामात त्याच्या गोलंदाजी सर्वांचे लक्ष वेधले. देशांतर्गत क्रिकेटमध्येही तो महाराष्ट्राच्या प्रमुख गोलंदाजांपैकी एक असून तोही डावखुऱ्या गोलंदाजीसाठी चांगला पर्याय आहे.