Akshata Chhatre
दैनंदिन जीवनात ताण, कामाचा ताण आणि चिंता यांसारख्या गोष्टींमुळे मूड खराब होतो.
अशावेळी आपल्याला वाटते की मूड चांगला करण्यासाठी बाहेर फिरायला जाणे किंवा मित्रांना भेटणे पुरेसे आहे. पण, तुम्हाला माहिती आहे का की तुमच्या आहाराचा तुमच्या मूडवर थेट परिणाम होतो?
केळी हे केवळ भूक भागवणारे स्नॅक नाही, तर ते मन प्रसन्न ठेवण्यासही मदत करते. यात ट्रिप्टोफॅन नावाचे अमिनो आम्ल असते, जे शरीरात सेरोटोनिनमध्ये रूपांतरित होते.
काजूमध्ये मॅग्नेशियम भरपूर प्रमाणात असते, जे मेंदूच्या कार्यासाठी अत्यावश्यक आहे. मॅग्नेशियमच्या कमतरतेमुळे नैराश्य आणि थकवा वाढू शकतो. नियमितपणे काही काजू खाल्ल्यास ऊर्जा मिळते आणि मूड स्वाभाविकपणे सुधारतो.
डार्क चॉकलेटमध्ये फ्लॅव्होनॉइड्स नावाचे अँटीऑक्सिडंट्स असतात जे मेंदूत रक्तप्रवाह सुधारतात आणि सेरोटोनिनचे उत्पादन वाढवतात. यामुळे तणाव कमी होतो आणि मन हलके वाटते. मात्र, हे प्रमाणातच खाणे महत्त्वाचे आहे.
ताक, दही, किमची किंवा केफिर यांसारखे प्रोबायोटिक पदार्थ शरीरातील चांगले बॅक्टेरिया वाढवतात, ज्यामुळे पचन सुधारते आणि थेट मानसिक आरोग्यावर परिणाम होतो.
हळदीमध्ये कर्क्यूमिन हा घटक असतो, ज्यात अँटी-इन्फ्लमेट्री आणि अँटिऑक्सिडंट गुणधर्म असतात. यामुळे डोपामाइन आणि सेरोटोनिनची पातळी वाढते.