Pranali Kodre
महिला आयपीएल म्हणजे वूमन्स प्रीमियर लीगला (WPL) 4 मार्च सुरुवात होत आहे.
हा डब्ल्यूपीएलचा पहिलाच हंगाम आहे. या हंगामाचा लिलाव 13 फेब्रुवारी 2023 रोजी पार पडला होता.
या लिलावात मुंबई इंडियन्स, रॉयल चॅलेंजर्स बेंगलोर, दिल्ली कॅपिटल्स, गुजरात जायंट्स, युपी वॉरियर्स या पाच संघांनी मिळून 87 खेळाडूंवर बोली लावली आहे.
या 87 खेळाडूंना खरेदी करण्यासाठी पाच फ्रँचायझींनी मिळून 59 कोटी 50 लाख रुपये खर्च केले.
या लिलावात भारताची स्टार फलंदाज स्मृती मानधनाला सर्वाधिक 3.40 कोटी रुपयांची बोली लागली. तिला रॉयल चॅलेंजर्स बेंगलोर संघाने खरेदी केले आहे.
त्यापाठोपाठ ऍश्ले गार्डनरसाठी गुजरात जायंट्सने 3.20 कोटींची बोली लावली.
तसेच नतालिया स्किव्हरसाठीही मुंबई इंडियन्सने 3.20 कोटींची बोली लावली.
डब्ल्यूपीएलमधील सर्वात महागड्या ठरलेल्या खेळाडूंमध्ये चौथ्या क्रमांकावर भारताची अष्टपैलू दीप्ती शर्मा असून तिच्यासाठी तिला युपी वॉरियर्सने 2.60 कोटी रुपयांना खरेदी केले.
या यादीत पाचव्या क्रमांकावर जेमिमाह रोड्रिग्ज असून तिला दिल्ली कॅपिटल्सने 2.20 कोटी रुपयांना खरेदी केले आहे.