Sameer Amunekar
रात्रीच्या उपवासानंतर शरीरात उपलब्ध ग्लुकोज तुलनेने कमी असतो. त्यामुळे व्यायामादरम्यान शरीर ऊर्जेसाठी साठवलेल्या फॅटचा तुलनेने अधिक वापर करू शकते.
वर्कआउटच्या वेळी जास्त फॅट ऑक्सिडेशन झालं तरी दिवसभरातील एकूण कॅलरी बॅलन्स महत्त्वाचा असतो. त्यामुळे फक्त उपाशीपोटी व्यायाम केल्याने वजन वेगाने कमी होईल, असं निश्चित नाही.
शरीर खर्च करत असलेल्या ऊर्जेपेक्षा आहारातून कमी कॅलरी मिळाल्या, तर कालांतराने वजन कमी होण्यास मदत होते. त्यामुळे व्यायामासोबत संतुलित आहारही आवश्यक आहे.
काही लोकांना रिकाम्या पोटी व्यायाम करताना अशक्तपणा, चक्कर किंवा थकवा जाणवू शकतो. अशा वेळी शरीराचे संकेत दुर्लक्षित न करता व्यायामाची तीव्रता कमी करणे किंवा आधी काही हलकं खाणं योग्य ठरू शकतं.
हलके चालणे किंवा साधा कार्डिओ काही जणांना उपाशीपोटी सहज करता येतो. मात्र जास्त तीव्र व्यायाम किंवा वजन उचलण्यापूर्वी योग्य ऊर्जा मिळणे कामगिरीसाठी महत्त्वाचे ठरू शकते.
व्यायामानंतर प्रोटीन, कार्बोहायड्रेट्स आणि इतर पोषक घटकांचा संतुलित आहार घेणे शरीराच्या रिकव्हरीसाठी महत्त्वाचे आहे. फक्त उपाशीपोटी व्यायाम करण्यावर वजन कमी होण्याचे लक्ष्य अवलंबून ठेवू नका.
उपाशीपोटी व्यायाम करताना वर्कआउटदरम्यान फॅटचा वापर वाढू शकतो; मात्र त्यामुळे दीर्घकाळात वजन नक्कीच अधिक वेगाने कमी होईल, असा ठोस निष्कर्ष नाही. नियमित व्यायाम, संतुलित आहार आणि सातत्य हे वजन व्यवस्थापनासाठी अधिक महत्त्वाचे आहेत.