Pranali Kodre
इंग्लंडची महिला क्रिकेटपटू डॅनिएल वॅटने 2 मार्च 2023 रोजी सोशल मीडियावर पोस्ट करत सर्वांना चकीत केले आहे.
वॅटने तिची गर्लफ्रेंड जॉर्जी हॉजबरोबर साखरपूडा केला आहे, याबद्दल तिने सोशल मीडियावर फोटो पोस्ट करत माहिती दिली.
वॅटने पोस्ट केलेल्या फोटोमध्ये ती आणि जॉर्जी किस करताना दिसत असून ती तिची एंगेजमेंट रिंगही दाखवत आहे.
वॅटने या पोस्टला 'माईन फॉरेव्हर (Mine Forever)' असे कॅप्शन दिले आहे.
वॅट सध्या जॉर्जीसह दक्षिण आफ्रिकेतच आहे. तिने नुकताच दक्षिण आफ्रिकेत इंग्लंडकडून महिला टी20 वर्ल्डकप खेळला होता.
लक्षात घेण्यासारखी गोष्ट अशी की वॅटने 2014 साली भारताचा माजी कर्णधार विराट कोहलीला लग्नाची मागणी घातलेली.
तिने 2014 मध्ये ट्वीट करत लिहिले होते की 'विराट मॅरी मी'.
पण, नंतर तिने ती फक्त एक गमतीचा भाग असल्याचे स्पष्ट केले होते.
वॅट ही अर्जून तेंडुलरकरचीही चांगली मैत्रीण आहे.
दरम्यान, वॅट आणि जॉर्जी यांना त्यांच्या पुढील आयुष्यासाठी अनेक आजी-माजी खेळाडूंनी शुभेच्छा दिल्या आहेत.