Pranali Kodre
इंग्लंडचा वेगवान गोलंदाज जेम्स अँडरसन 30 जुलै 2023 रोजी त्याचा 41 वा वाढदिवस साजरा करत आहे.
वयाच्या 41 व्या वर्षीही त्याचा गोलंदाजीतील जोश अजूनही कायम असल्याचा दिसतो.
अँडरसनने 2002 साली आंतरराष्ट्रीय क्रिकेटमध्ये पदार्पण केले होते. पण तो सुरुवातीला काही वर्षे संघात आत-बाहेर करत होता. पण 2007 पासून त्याने संघातील जागा पक्की केली.
अँडरसने त्याच्या कारकिर्दीत 180 हून अधिक कसोटी सामने खेळले असून 680 पेक्षा अधिक विकेट्स घेतल्या आहेत. तसेच त्याने 194 वनडेत 269 विकेट्स घेतल्या असून आंतरराष्ट्रीय टी20मध्ये त्याने 19 सामन्यांत 18 विकेट्स घेतल्यात.
जेम्स अँडरसनने 1500 पेक्षा अधिक धावाही आंतरराष्ट्रीय क्रिकेटमध्ये केल्या आहेत.
अँडरसनने 975 पेक्षाही अधिक आंतरराष्ट्रीय विकेट्स घेतल्या असून तो सर्वाधिक विकेट्स घेणारा मुथय्या मुरलीधरन (1347) आणि शेन वॉर्न (1001) नंतरचा तिसराच गोलंदाज आहे.
अँडरसन इंग्लंडचा सर्वात यशस्वी गोलंदाज आहे. तो 900 हून अधिक विकेट्स घेणारा इंग्लंडचा एकमेव गोलंदाज आहे.
अँडरसनने 2003 ते 2023 अशा सलग 21 वर्षी किमान एक कसोटी विकेट घेतली आहे. असा कारनामा करणारा तो एकमेव गोलंदाज आहे.