Pranali Kodre
5 सप्टेंबर रोजी वर्ल्डकप 2023 स्पर्धेसाठी भारताच्या 15 जणांच्या संघाची घोषणा करण्यात आली. हा वनडेचा 13 वा वर्ल्डकप असून 5 ऑक्टोबरपासून भारतात खेळला जाणार आहे.
या वर्ल्डकप 2023 स्पर्धेसाठी 15 जणांच्या भारतीय संघाचे कर्णधारपद रोहित शर्माकडे सोपवण्यात आले आहे.
त्यामुळे वनडे वर्ल्डकपमध्ये रोहित पहिल्यांदाच भारताचे नेतृत्व करताना दिसणार आहे.
दरम्यान, वर्ल्डकपमध्ये कर्णधारपदापर्यंतचा रोहितचा हा प्रवास स्वप्नवत राहिला आहे.
बारा वर्षांपूर्वी 2011 वर्ल्डकप स्पर्धा भारतात झाली होती. त्या स्पर्धेसाठी रोहित शर्माला भारतीय संघात स्थान मिळाले नव्हते. त्यामुळे त्याने स्पष्टपणे नाराजीही व्यक्त केली होती.
पण, त्यानंतर ऑस्ट्रेलियात झालेल्या 2015 वर्ल्डकप स्पर्धेत त्याची निवड झाली आणि तो सलामीवीर म्हणून भारतीय संघाकडून खेळला. त्याने 8 डावात 330 धावा केल्या होत्या.
साल 2019 साल इंग्लंड आणि वेल्समध्ये झालेल्या वर्ल्डकप स्पर्धेत रोहितने सलामी फलंदाजी बरोबरच भारतीय संघाचा उपकर्णधार म्हणूनही जबाबदारी सांभाळली. त्या वर्ल्डकपमध्ये त्याने सर्वाधिक धावा648 केल्या होत्या.
आता पुन्हा 12 वर्षांनी भारतात वर्ल्डकपचे सामने खेळवले जाणार आहेत आणि या वर्ल्डकप 2023 मध्ये रोहित भारतीय संघाचे नेतृत्व करताना दिसणार आहे,