दैनिक गोमन्तक
पावसामध्ये डेंग्यू, मलेरिया, सर्दी, फ्लू असे अनेक आजार पाऊस सोबत आणतो. त्यामुळे या ऋतूत आपले आरोग्य उत्तम ठेवणे फार महत्त्वाचे असते.
हिरव्या पालेभाज्या, पालक, लाल माठ, मेथी, कोबी, भेंडी अशा अनेक हिरव्या भाज्यांवर पावसाळ्यात बॅक्टेरिया आणि बुरशीचा संसर्ग होतो.
तळलेले आणि मसालेदार पदार्थ खाणे शक्यतो टाळावे. अशा प्रकारच्या अन्नामुळे शरीरातील चरबी आणि पित्त वाढते. जे शरीरासाठी अत्यंत हानिकारक असते.
पावसाळ्यात मासे किंवा कोळंबीसारखे सीफूड खाणे टाळणे फार गरजेचे आहे. त्यामुळे या ऋतूत मासे खाल्ल्याने अन्नातून विषबाधा होण्याचा धोका वाढतो.
आरोग्यासाठी सॅलड हे महत्त्वाचे असले तरी देखील पावसाळ्याच्या ऋतूत ते खाणे आरोग्यासाठी फार धोकादायक मानले जाते. फक्त सॅलड नाही तर पावसाळ्यात काहीही कच्चे खाणे टाळा.
पावसाळ्यात दही खाणे आरोग्यासाठी योग्य नाही. कारण दह्यामध्ये बॅक्टेरिया आढळतात ते बॅक्टेरिया आरोग्यासाठी चांगले मानले जात नाहीत.
पावसाळ्यात आपली पचनसंस्था खूप कमकुवत होते. त्यामुळे जड अन्न पचणे कठिण होते. अशा परिस्थितीत या ऋतूत मांसाहार टाळा.