Sameer Amunekar
शिळा फराळ खाणे टाळा
दिवाळीत चिवडा, चकली, करंजी, लाडू असे पदार्थ मोठ्या प्रमाणात बनवले जातात. मात्र, हे पदार्थ जास्त दिवस उघडे किंवा अयोग्य पद्धतीने ठेवल्यास त्यांची गुणवत्ता खराब होऊ शकते. त्यामुळे ताजे आणि योग्य प्रकारे साठवलेले पदार्थ खा.
पदार्थ उघडे ठेवू नका
फराळाचे पदार्थ उघडे ठेवल्याने त्यावर धूळ, माशा आणि इतर कीटक बसू शकतात. यामुळे पदार्थ दूषित होण्याचा धोका असतो. त्यामुळे फराळ नेहमी हवाबंद डब्यात साठवून ठेवा.
वारंवार गरम केलेले पदार्थ खाऊ नका
काही पदार्थ वारंवार गरम करून खाण्याची सवय असते. मात्र, शिजवलेले पदार्थ खोलीच्या तापमानावर जास्त वेळ ठेवल्यास त्यात जिवाणूंची वाढ होऊ शकते. त्यामुळे पदार्थ योग्य तापमानात ठेवा आणि गरजेनुसारच गरम करा.
अस्वच्छ हातांनी फराळ खाणे टाळा
दिवाळीच्या धावपळीत अनेकदा हात न धुता फराळ खाल्ला जातो. यामुळे हातांवरील जंतू अन्नातून शरीरात जाऊ शकतात. त्यामुळे फराळ खाण्यापूर्वी साबणाने हात स्वच्छ धुवा.
भेसळयुक्त मिठाईपासून सावध राहा
सणासुदीत मिठाईची मागणी वाढल्याने भेसळयुक्त किंवा निकृष्ट दर्जाचे पदार्थ बाजारात मिळण्याची शक्यता असते. त्यामुळे विश्वासार्ह दुकानातूनच मिठाई खरेदी करा. पॅकबंद पदार्थांची एक्सपायरी डेट तपासा.
जास्त वेळ बाहेर ठेवलेले पदार्थ खाऊ नका
दूध, खवा, पनीर आणि नारळापासून बनवलेले पदार्थ लवकर खराब होऊ शकतात. असे पदार्थ खोलीच्या तापमानावर दोन तासांपेक्षा जास्त ठेवू नयेत. उष्ण वातावरणात हा कालावधी एक तासापर्यंत मर्यादित ठेवा. शक्यतो हे पदार्थ रेफ्रिजरेटरमध्ये ठेवा.
लक्षणे दिसल्यास दुर्लक्ष करू नका
दूषित अन्न खाल्ल्यानंतर मळमळ, उलट्या, पोटदुखी, जुलाब आणि ताप अशी लक्षणे दिसू शकतात. अशावेळी शरीरातील पाण्याची कमतरता होऊ देऊ नका.