Pranali Kodre
ऑस्ट्रेलियाचा संघ सध्या भारत दौऱ्यावर असून नुकताच 19 फेब्रुवारीला कसोटी मालिकेतील दुसरा सामना संपला.
यादरम्यान ऑस्ट्रेलियाचा सलामीवीर डेव्हिड वॉर्नर दिल्लीत त्याच्या कुटुंबाबरोबर फिरताना दिसला.
वॉर्नरने दिल्लीतील सहलीचे फोटो सोशल मीडियावर शेअर देखील केले आहेत.
त्याने या सहलीदरम्यान ऐतिहासिक वास्तूला भेट दिल्याचेही दिसले.
त्याने फोटो शेअर करताना ही ऐतिहासिक वास्तू ओळखण्यास सांगितले होते.
यावर त्याला अनेक युजर्सकडून प्रतिक्रिया आल्या असून अनेकांनी त्याला योग्य उत्तरही दिले आहे.
वॉर्नरने हुमायूनची कबरीला भेट दिली होती.
यावेळी त्याच्याबरोबर त्याची पत्नी कँडिस आणि त्याच्या तिन्ही मुली इवी मे, इंडी रे, आयला रोज देखील होत्या.
त्याने शेअर केलेल्या फोटोंध्ये या ऐतिहासित वास्तूचे सौंदर्यही टिपल्याचे दिसत आहे.
दरम्यान, वॉर्नरला दिल्ली कसोटीत खेळताना दुखापत झाली होती, ज्यामुळे त्याने दुसऱ्या डावात फलंदाजी केली नव्हती.