Akshata Chhatre
डेटिंग ॲप्स स्क्रोल करून तुमच्या बोटांना आराम मिळत नाहीये, पण 'मॅच' झाल्याचे नोटिफिकेशन काही येत नाहीये?
अनेक लोक रोज तासनतास ॲप्सवर 'स्वाइप' करतात, पण परिणाम निराशाजनकच असतो.
जर तुमचा डेटिंग ॲप्सवरील प्रवास निराशाजनक ठरला असेल, तर तुम्ही नकळतपणे काही अशा चुका करत असाल, ज्यामुळे तुमची 'परफेक्ट मॅच' तुमच्यापासून दूर पळत आहे.
प्रोफाइल ही पहिली गोष्ट आहे जी कोणालाही तुमच्याकडे आकर्षित करते. जर तुमची प्रोफाइल अपूर्ण असेल किंवा त्यात फक्त एक-दोन साधारण फोटो असतील, तर लोक तुमच्यात फारशी रुची घेणार नाहीत.
अनेक वेळा आपण 'परफेक्ट' व्यक्तीच्या शोधात असतो आणि लहान-सहान गोष्टींवरूनही लोकांना 'नापसंत' करतो. प्रत्येकात काही ना काही कमतरता असतातच. कोणतेही नाते सुरू होण्यासाठी थोडा वेळ आणि संयम लागतो.
डेटिंग ॲप्सचा उद्देश केवळ मॅच करणे नाही, तर संवाद सुरू करणे हा आहे. जर तुम्ही फक्त लोकांशी मॅच करून सोडून देत असाल आणि त्यांच्याशी बोलत नसाल, तर तुम्हाला मॅच मिळणे निरुपयोगी आहे.
जर तुम्ही या तीन चुका सुधारल्या, तर तुमचा डेटिंग ॲप्सवरील प्रवास नक्कीच सोपा आणि यशस्वी होईल, यात शंका नाही!