गोमन्तक डिजिटल टीम
वानखेडे स्टेडियमवर 3 जानेवारीला भारत विरुद्ध श्रीलंका यांच्यात पहिला टी20 सामना झाला.
या सामन्यात खेळताना श्रीलंकेचा कर्णधार दसून शनकाने रोहित शर्माचा एक मोठा विक्रम मोडला आहे.
शनकाने या सामन्यात सर्वाधिक 45 धावांची खेळी केली. या खेळीत त्याने 3 चौकार आणि 3 षटकार मारले.
त्यामुळे शनका आता भारत आणि श्रीलंका यांच्यातील टी20 सामन्यांत सर्वाधिक षटकार मारणाऱ्या खेळाडूंच्या यादीत 21 षटकारांसह अव्वल क्रमांकावर आला आहे.
भारत आणि श्रीलंका यांच्यातील टी20 सामन्यांत सर्वाधिक षटकार मारणाऱ्या फलंदाजांच्या यादीत शनकाने रोहित शर्माच्या 19 षटकारांना मागे टाकले आहे.
या यादीत 14 षटकारांसह कुशल परेरा तिसऱ्या क्रमांकावर आहे.
शिखर धवन 12 षटकारांसह चौथ्या क्रमांकावर आहे.
युवराज सिंग 11 षटकारांसह या यादीत पाचव्या क्रमांकावर आहे.