Pranali Kodre
भारताचा आणि चेन्नई सुपर किंग्सचा स्टार फलंदाज ऋतुराज गायकवाडने महाराष्ट्राची क्रिकेटपटू उत्कर्षा पवार हिच्याशी लग्नगाठ बांधली.
ऋतुराज आणि उत्कर्षा यांचा लग्नसोहळा महाराष्ट्रीयन पद्धतीने 3 जून 2023 रोजी महाबळेश्वरला पार पडला.
ऋतुराजने त्यांच्या लग्नाचे फोटो सोशल मीडियावर शेअर केले आहेत. हे फोटो व्हायरल होत असून चाहत्यांकडून मोठी पसंतीही मिळत आहे.
ऋतुराजने शेअर केलेल्या लग्नाच्या फोटोंवर अनेक क्रिकेटपटूंनी आणि विविध क्षेत्रातील सेलिब्रेटिंनीही अभिनंदनाच्या कमेंट्स केल्या आहेत.
या फोटोंमध्ये ऋतुराज आणि उत्कर्षा दोघेही पारंपारिक वेशात सुंदर दिसत आहेत.
त्यांच्या लग्नसोहळ्याला अनेक भारतीय क्रिकेटपटूंनीही हजेरी लावली होती.
ऋतुराज आणि उत्कर्षा हे दोघेही देशांतर्गत क्रिकेट महाराष्ट्राकडून खेळतात, तसेच दोघेही पुण्यातच राहात असल्याने हे दोघेही गेल्या अनेक वर्षांपासून एकमेकांना ओळखतात.
ऋतुराज आणि उत्कर्षा गेल्या अनेक वर्षांपासून रिलेशनशिपमध्ये होते. आयपीएल २०२३ स्पर्धेदरम्यानही उत्कर्षा ऋतुराज आणि चेन्नई सुपर किंग्सला प्रोत्साहन देताना दिसली होती.
ऋतुकीराज वरच्या फळीतील फलंदाज असून उत्कर्षा मध्यमगती गोलंदाज आहे.