Pranali Kodre
चेन्नई सुपर किंग्सचा वेगवान गोलंदाज तुषार देशपांडेने त्याची बालपणीची मैत्रीण नाभाबरोबर 12 जून रोजी साखरपुडा केला आहे.
तुषारने सोशल मीडियावर त्याच्या साखरपुड्याचे फोटो शेअर करत ही माहिती दिली आहे.
तुषारने नाभासोबतच्या साखरपुड्याचे फोटो पोस्ट करताना कॅप्शनमध्ये लिहिले आहे की '12.06.23 तिला माझी शाळेतील क्रशपासून आता माझी होणारी पत्नी (FIANCÉ) म्हणून बढती मिळाली आहे.'
तुषारने शेअर केलेल्या फोटोमध्ये तो आणि नाभा पांरपारिक वेषात गोड दिसत आहेत. त्यांचा चेंडूवर अंगठ्या ठेवून काढलेला फोटो चांगलाच व्हायरलही होतोय.
त्यांच्या साखपूड्यासाठी तुषारचा चेन्नई सुपर किंग्स आणि मुंबई संघाती संघसहकारी शिवम दुबेही पत्नीसह उपस्थित होता.
तुषारच्या होणाऱ्या पत्नीचे नाव नाभा गद्दमवार आहे. नाभा आर्टिस्ट असून ती गिफ्ट्सही डिझाईन करते.
आयपीएल 2023 दरम्यान देखील नाभा तुषारला पाठिंबा देण्यासाठी स्टेडियममध्ये उपस्थित होती.