Pranali Kodre
आयपीएल 2023 स्पर्धेत 23 मे रोजी चेन्नई सुपर किंग्सने गुजरात टायटन्सविरुद्ध पहिल्या क्वालिफायर सामन्यात 15 धावांनी विजय मिळवला.
या विजयासह एमएस धोनीच्या नेतृत्वातील चेन्नई सुपर किंग्सने अंतिम सामन्यातील प्रवेश निश्चित केला आहे.
या सामन्यात चेन्नईच्या विजयात ऋतुराज गायकवाडने मोठा वाटा उचलला. त्याने 44 चेंडूत 7 चौकार आणि 1 षटकारासह 60 धावांची खेळी केली.
ऋतुराजच्या या खेळीसाठी त्याला सामनावीराचा पुरस्कारही देण्यात आला.
दरम्यान, ऋतुराजचे गुजरातविरुद्ध आयपीएलमधील चौथे अर्धशतक ठरले.
विशेष म्हणजे चेन्नईने गुजरातविरुद्ध आत्तापर्यंत चारच सामने खेळले आहे. या चारही सामन्यात ऋतुराज खेळला असून त्याने अर्धशतके केली आहेत.
ऋतुराजने यापूर्वी 2022 आयपीएल हंगामात पुण्याला आणि मुंबईला गुजरातविरुद्ध झालेल्या सामन्यांमध्ये अनुक्रमे 73 आणि 53 धावांची खेळी केली होती.
त्यानंतर आयपीएल 2023 च्या पहिल्याच सामन्यात गुजरातविरुद्ध खेळताना ऋतुराजने अहमदाबादला 92 धावांची खेळी केली होती.